Transcription
1
Monsieur, je vous ay bien vollu advertir de ce que c’est faict
2
en ceste ville, qu’est que lundy au soir, environ la minuict,
3
a esté descouvert par ceulx de la garde de la porte du cymeutiere
4
quelques-ungs auprès des murailles ; et ainsi que la sentinelle
5
les descouvra, leur criant, eulx, se sentans descouvertz,
6
tirarent à la sentinelle quelques arquebusades, dont tout
7
à ung coup l’alarme fut par toute la ville. Et estant le
8
popullas esviés, se sont mys à cryer qu’il falloyt tuer tous les
9
huguenaultz, et moy, sentant la furye du popullas et entendent
10
leur intention, me suys forcé qu’ilz ne fissent aulcung desordre
11
dans la ville ; avec les principaulx d’icelle, n’avons sceu si
12
bien faire qu’il n’ayent tué Le Bury de Vaneau et sa femme,
13
et ung nommé Fontani et Balthezar Guerre, l’armurier, et
14
Anthoine le Goytreu, bien blessé et heuz beaucop à faire de le
15
pouvoir sauver, et feuz en grand danger de ma vye, et
16
tous ceulx qu’estoient avecques moy. Bien est vray que,
17
auparavant que l’alarme se donnast, furent quatre hommes
18
masqués qu ’allarent tuer ledit Bury Vaneau et sa femme dans
19
son lict et croys fermement pource que avoit bruict d’avoir
20
de l’argent, que l’on a donné ceste larme expressement
21
pour avoir ledit argent. Et à ce qu’on dict, on luy a prins
22
huict ou neuf cens escus argent monnoye et cinq ou six
23
cens escus en des bagues. Je n’avoys aulquunes novelles
24
de par-deçà, sinon que l’on m’a faict entendre que monsieur
25
le mareschal d’Anville est arrivé en Avignon, là où est
26
ce que porte toute l’intention du roy, et croys que n’est
27
guières à l’advantaige de ceulx de la relligion, et que
28
[v°] l’on a faict dessendre de la citadelle de Lyon trente pieces
29
dartilherie pour les faire dessendre au long du Rosne. Et croys
30
que c’est pour venir à Orenge, car le roy a deliberé de
31
s’en saysir et dellà à Nismes, dont ledit seigneur Danville
32
a expres comandement du roy de bien nettoyer son gouvernement
33
de ceste vermine. Nous huguenaultz se astent fort d’aller à la
34
messe, et croys que devant que soyt huict, il n’y aura pas
35
ung que n’y aille. Que sera par fin, après vous avoir
36
supplyé de regarder là où je seray propice à vous servir,
37
m’y employant le seray d’aussi bonne vollonté que m’en
38
voy recomander bien humblement à votre bonne grace, priant
39
Dieu vous donner,
40
Monsieur, en parfaicte sancté, heureuse et longue vie. De Sisteron,
41
ce huictiesme octobre 1572,
42
Votre plus humble et plus affectionné à
43
vous faire service.
44
Je[an] Troissant
45
Je vous supplye, si avez
46
aulquune chose de nouveau,
47
de m’en faire parti